الشاعر راضى على الطهطاوى قصيدة "سفر"

[ندعوك للتسجيل في المنتدى أو التعريف بنفسك لمعاينة هذه الصورة]

قصيدة سفر بقلم الشاعر راضى على الطهطاوى

[ندعوك للتسجيل في المنتدى أو التعريف بنفسك لمعاينة هذه الصورة]

كلنا رايح يسافر كلنا رايح يموت ولكل واحد فينا دور

مش حكايه كان صغير ولا َّ عاش فتره كبير

واللى كان غنى مهيّص أصبح تراب زى الفقير

واللى مات في بطن أمه واللى مات متغاظ بهمه

واللى ماشى ما حد هامه

واللى متواضع بجد واللى حلمه كمان إتهد

والّى عامل فيها حوت

واحد سايب فينا ذكرى والتانى ودّع من سكوت

واللى ظالم حد غيره واللى معدوم بينا خيره

واللى عشعش جنب طيره

واللى بنحبه بقلوبنا واللى من حنانه دوبنا

واللى فى سيرته عطور واللى منفوخ بالغرور

واللى محبوس جوا أوضه واللى لابس فيها موضه

واللى بانيها قصور

واللى ناسى ذكر ربه واللى محدش فينا حبه

واللى خاشع فى القنوت كله للحفره يفوت

واللى عامل فيها بيه واللى مش لاقى جنيه

فى الدنيا دى طالعه عينيه مش لاقى هدمه ولا َّ قوت

واللى طول عمره سعيد واللى حزنه ياخوى شديد

واللى بيموت فى سريره واللى متغطى بحريره

واللى بيموت ف فريق جوا عباره غريق

واللى بيدوسه قطار أو حتى منه فرّ طار

جسمه يتفحم حريق

واقف قاعد ولا ماشى واللى خارج يوم مجاشى

واللى مش معجب بحاله واللى مغرور بين عياله

واللى متفاخر بماله

واللى شاغله البنكنوت كلنا رايح يموت

واللى قدم خير وبادر واللى خد حلمه وغادر

واللى غرقان فى الذنوب واللى بيفكر يتوب

واللى خايف من غروب دا القبر منه مفيش هروب

واللى بيموت نجمه لامع موته بيبكى المدامع

واللى ودع من سكوت جوا قبره ملهش صوت

كلنا رايح يموت

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك يا راضى موضوع جميل جدا تحياتى ليك

تم تزين الموضوع وتنسيقه لأجل عيونك

» الشاعر راضى على الطهطاوى قصيدة "الفلوس"
» الشاعر راضى على الطهطاوى قصيدة "ارسمينى"
» الشاعر راضى على الطهطاوى قصيدة "مغنواتى "
» الشاعر راضى على الطهطاوى قصيدة "نسوان أخر زمن"
» الشاعر راضى على الطهطاوى قصيدة "سجن الروتين"