صرخة مطلقة
بعد دا كله
هنت عليك ؟!
بعد ماخدت
سنين العمر
وزقيتنى
بإيدك كاس المر
سرقت حياتى وفرصة وفاتت
الوردة
الحلوة دبلت ماتت
ياما بضحكى
مسحت دموعك
ياما بإيدى قدت شموعك
ياما زرعت
معاك وبنيت
ياما صبرت معاك
وعانيت
جاى دلوقتى
اتهد البيت
بعد ماجبت
فلوس وغنيت
وبكل عنادك
خدت قرار
خنت العـِشرة
وبترمينى
فى وش الريح
وحيدة
معايا قلب جريح
ياما عشت ف
حتة أوضه
جاى دلوقتى
تجرج فيـَّا
تستهزأ بيـَّا
وتقولها فى وشى بشكل صريح
"عايز
وحدة تكون ع الموضة"
دا أنت بجد
حقيقى غدار
قلبى مسكته
أنت بإيدك
كنت بتنده
يجرى يجيلك
لو قلت
الآه بسرعة يشيلك
رحت كاويه
بخنجر نار
قلبى اتحمل
فقر سنين
ياما سافرت
وسيبته حزين
قلبى ضحى
وكان بيصون
عمره ما
فكر مره يخون
وأنت ف
لحظة عليك بيهون
وبضحكة
سخيفة تقول أقدار
ونسيت
أولادنا حزينة تعانى
وبتقتل
فرحة وكل أمانى
وتقول دا شرع الله وأنا حر
وتخلى
اليتم عليهم يمر
وطريقهم
تزرع فيها أشواك
بعد العمر
دا كله معاك
هنت عليك؟!
دا انت بحد
حقيقى غدار
الإثنين أكتوبر 29, 2012 9:15 am
