وداع حبيبتى
بعد ما جانا الرحيل
وبكى قلبى ودما
على ذكرى الماضى الجميل
وماكنش الفراق بخاطرنا
وخدنا نصيبنا
وللبعاد طرنا
وانطفت نجوم حبنا
فى السما
وظلمنا روحنا
ونسينا أغانينا
وذكرياتنا وأمانينا
والأماكن اللى جينا فيها
ورحنا
ومش قادر انسى
وانت جايه فى الميعاد
تتمخطرى
وشايف الشفا يف
بتغنى وانت بتفطرى
وبين ايديك القلب القاسى
بيبقى رقيق
بيصبح طرى
بس مش عارف ازاى وليه
حبنا مات وبنبكى عليه
واللى بيفارق حبيبه
أو فى لحظه يروح يسيبه
بيفضل الدمع فى عينيه
وليه أحلامنا تاهت
فى الدرب الطويل
ومين كان السبب
واقف فى وش الريح
تحدى صريح
مش راضى يتنازل يميل
انت ولاَّ أنا
ولا احنا كلنا
جنينا على حبنا
باالمكابره والعناد
وباالتحدى والبناد
وباالقسوه لحد الوقت مافات
وبعدت بينا المسافات
وتهنا عن بعضنا
ماعرفنا تانى نعود
ونسينا المحبه والعهود
والحب هان بعد ما ادينا الأمان
ومافيش عنوان
نبعت عليه ونقول اللى حاصل
وبعد ماكان الحنان واصل
جات الفواصل
وقفت بينا سدود
ونسينا البيت اللى فى خيالنا تبنى
ودموع الفراق وابتسامات اللقى
وأيام كانت مليانه هنى
بس واحد فينا عاند تعمد
والحب اللى بينا تجمد
وأصبح خيال
وجات الدموع بعد الشموع
وبقى الحريق بين الضلوع
ومحدش بيعرف الخطاوى فين
ومين كان السبب
أنا ولاَّ مين ولاَّ حكم السنين
ولاَّ الزمان قال حبنا مكتوب
عليه يندفن تحت الرمال
ويبقى ذكرى
مليانه شجون
مليانه أنين
داالحب اللى مات جرحه دفين
ولى ليه حب مات ولاذَ تاه
يبكى عليه
دا اللى يسيبه حبيبه
بيفضل الدمع فى عينيه
ومستحيل ينساه
الإثنين أكتوبر 29, 2012 9:18 am
