الشاعر راضى على الطهطاوى قصيدة "زهرة الخشخاش"

شئ يحزنا يبكـِّى قلوبنـــــا = زى ضميرنا راح الإنعاش


حتى الفرحه معانا سرقونا = وباعوا أحلامنا
قسط وكاش


فتش تلقى كوارث يامــــه = ياما حلم
سافر ومجـــــاش


وكحل عيونا كمان سرقوه = وسرقوا
الدمع برئ مابكاش


امكن عفريت بجد سرقهـا = أو فى الضلمه جاها الخفاش


فين الكاميرا
تراقب ترصد؟! = ليل
ونهار تصوير وفــلاش


فين الحارس
يحمى تراثنا ؟! = ولا َّ
جرس إنذار متحـــــاش


ولا َّ حرامى كان متخفـــى =
وشاف العين غفلانه طناش


لما شاف الفرصه مناسبــ =
خطفها ف لحظه ومستناش


بالتأكيد ليه فترة يخطــــط = واحنا
ف غفلة ومافهمناش


ولاَّ قالوا دا لوحه عاديــــه = صوره راسمها واحد نقــاش


بصمة عار فى جبينا بجد =
لمَّا يسرقنا حرامى هباش


لص بيسرق منا قيمتنـــــا =
يحرمنا الفن مانتهنـــــــاش


تاريخنا أثارنا لازم نحميها
= ولا َّ
قيمتها هانت ببلاش؟!


اللص أكيد رايح يتصـــاد = ويلقى
جزاته مع الأوبـــاش


بس العبره نحمى تراثـــنا = دا لولا
تراثنا تاريخنا ماعاش