الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "قسوة الأبناء" الأربعاء نوفمبر 07, 2012 7:45 pm | |
| قسوة الأبناء
بعد ما فات العمر وطار = كبروا ولادى وسابوا الدار
راحوا سابونا نعيش وحدينا = وحده ف كبر السن مرار
قالوا مصالحنا بجد كتير = شغل وبيت وكمان مشوار
محدش فاضى فينا يراعى = والكل بيهرب منا فـــــرار
قالوا هنجيب ليكم خدامة = تشوف طلباتكم ليل ونهــار
محدش راضى يخدنا معاه = وبعد دراسة شافوا قــــرار
جوَّا دار رعاية سابونا = نسيونا محدش لينـــــا زار
احنا قلوب محتاجة حنان = مش محتاجة فلوس ودولار
نحس بطعم أمان فى الدنيا = جنب عيالنا وهما كبــــار
لما ابنك يقسى علــيـك = كل الحلم معاك ينهــــــــار
واللى يقول دا خلاص هيموتوا = بس العمر دا ليه أسرار
واللى ناسينا حتى ف عيد = وعايز يقصف لينا أعمار
والى يقول الحمل تقـــيل = والتانى واخدها يا سيدى هزار
ياخد مراته يروح يتفسح = واحنا فى سجن مالوش أسوار
واللى يقول بعديهم نورث = فى البنك رصيد وعزبة عمار
وبنت تقول جوزى وأولادى = وقلوبهم قاسية علينا شرار
دا احنا لينا حقوقنا كتير = رعاية زيادة واحنا كبــار
يا ما عطينا العمر بحاله = يا ما سهرنا وشيلنا صغار
ليه رافضين تردوا جميل؟ = ليه رافضين تكونوا أبرار؟
لمَّا الأب وأم اتهانــــــوا = كل الدنيا هتبقى دمـــــــار | |
|
كينج الديجيهات مشرف قسم مهرجانات شعبى
عدد المساهمات : 82 تاريخ التسجيل : 21/07/2011
| موضوع: رد: الشاعر راضى على الطهطاوى قصيدة "قسوة الأبناء" السبت نوفمبر 17, 2012 11:47 am | |
| | |
|