الشاعر راضى على الطهطاوى
شاعر مصرى
عدد المساهمات : 96
تاريخ التسجيل : 30/09/2012
 |  موضوع: الشاعر راضى على الطهطاوى يكتب "صرخة مدرس"  الأحد سبتمبر 30, 2012 8:54 pm | |
| صرخة مدرس بقلم الشاعر راضى على الطهطاوى
صعبان عليَّا حالك
مهضوم فى كرامتك
وف ماك
شايف وضع العلم مآسى
كله بيصبح ضدك قاسى
كله لدورك حقك ناسى
ولسَّا ضميرك عايش فيك؟!
ولسَّا الخير جواك وماليك؟!
ومحدش حاسس بيك
ولسّا بعلمك شاغل بالك
صعبان عليَّا حالك
شايل كل همومك يا بلادى
بتقول التلاميذ أولادى
ولاحد ش لحقوقك متذكر
أعصابك مشدودة ومتعكر
والكل لخيرك متنكر
ولاحدش قالك متشكر
وتقول أهو عادى
تصرخ بالعلم وبتنادى
بتعلم وتربى وبتدادى
ومحدش قابل لعلامك
ومحدش سامع لكلامك
ومحدش حاسس بألامك
بتطلـِّع ورده من طين
بتصنـِّع أمُرا وسلاطين
لو تشخط ف
ابن الشياطين
تدخل فى معارك حطين
ويقولك ابنى أنا هادى
والعيب ف عمك أوخالك
صعبان عليَّا حالك
مهموم بالجيل المتدنى
جيل مغروز فى الجهل ومتهنى
بيكرِّم رقاصه تغنى
على حق الأستاذ متجنى
جيل
ماشى فى سكة موته
وف عقله السوس أهو ناخر
مش عارف سمه من قوته
بيسيب العلم وبيفوته
وبكل غبائه متفاخر
مش عارف قيمتك
بتحاول .....
بيكسَّر فى عزيمتك
جيل رافض حتى يعينك
بيهينك
يضحك لو فلم
استهزأ بيك أونالك
صعبان عليَّا حالك
إزاى بعلمك هتغرِّد
من كل سلاحك متجرِّد
بتهذب فى الجيل المتشرِّد
تتعذب بقانون وتعانى
تتكذب ويقولوا الجانى
وتلقى الكارت الأحمر جالك
صعبان عليَّا حالك
ليه يا وطن وإيه يا زمان؟!
استاذ معانا يتبهدل
والعلم فيك يتهان
والجهل صوته بيرتفع
يعلا كمان ويبان
تلميذ بيلبس سلسله
والبنت تمضغ فى اللبان
صعبان عليَّا حالك
يا بحر العطا مالك حدود
من غير وجودك الضلام بيسود
الكل عليك يتأمر
خلوا كرامتك تتدمر
آه .... يا بلدى
بتهينى العلم وبتجازى
ولصاحب طبله بتنحازى
يتكرم فيكى اللى يزمر
يتبهدل فيكى أستاذى
عايز ترفرف وجناحك مكسور
مادد إيدك بالنور
بس خساره
من كل الناس بتتعض
فارش علمك ع السور
تسمع كلمة سوقك فض
قايد نفسك زى الشمعه
بس الضلمه كتير بتعاندك
تصرخ بحر الأخلاق بيجف
ولا حد مساندك
ماشى بتزرع خير وترش الضى
وتقول تلاميذى
دى أمانه غاليه يا عزيزى
لسَّا ضميرك حى؟!
بتنوَّر شمعه ف عز ضلام الشبوره
رغم جفاف التربه
بتزرع بوره
ماسك طبشيرتك
وبترسم حلمك فوق السبوره
وتقول بكرا زمانك جى
لسا ضميرك حى؟!
وبعلمك شاغل بالك
صعبان عليَّا حالك | |
|
Ahmed Shams
الـــــــــــمــــــــد يـــــــر
عدد المساهمات : 1274
تاريخ التسجيل : 18/07/2011
العمر : 42
الموقع : shamsmasr
بطاقة الشخصية
البيانات الشخصية:
| | موضوع: رد: الشاعر راضى على الطهطاوى يكتب "صرخة مدرس" الأحد سبتمبر 30, 2012 9:11 pm | |
| تسلم ايدك يا استاذ راضى ومنور المنتدى
| |
|
منى السايس
مشرفة أقسام الصور
عدد المساهمات : 156
تاريخ التسجيل : 07/08/2011
| | موضوع: رد: الشاعر راضى على الطهطاوى يكتب "صرخة مدرس" الأحد سبتمبر 30, 2012 9:32 pm | |
| جميل جدا ... إستمر فى إبداعك | |
|
رانا محمد
عضو ذهبى
عدد المساهمات : 111
تاريخ التسجيل : 07/08/2011
| | موضوع: رد: الشاعر راضى على الطهطاوى يكتب "صرخة مدرس" الأحد سبتمبر 30, 2012 9:37 pm | |
| منور يا شاعر المنتدى وفى انتظار أعمالك الجديدة | |
|
