الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى يكتب "خط الفقر" الأحد سبتمبر 30, 2012 9:17 pm | |
| خط الفقر بقلم الشاعر راضى على الطهطاوى
نط القط وفط وطـــــــــار = خط الفقر دا شوك ودمار
تحت خطوط الفقر بعيش = والخط الساخن أصبح نار
اللحمه ديه الخط الأحمر = وأدينا نسينا طريق جـزار
أيوا فقير وشىء مش ذنبى = والفقرديون وهموم ومرار
خطوطنا كتيره ماليها نهايه = قاعدين بنخطط ليل ونهار
زحام وفاتوره نور وعلاج = مش قادر أدفع قسط إيـجار
وجوا مدافن عشه سطوح = وجبلى عليا كمان ينـــهار
واشترى ميه ونيل فى بلادى = ولسه حقيقى الدنيا عمـار
والدخل مكفى كمان وزياده = بس الغلطه حساب أسعار
فرصة عمل بتبحث عنـك = وظايفنا كتيره بس إخـتار
محدود الدخل دا حلم وراح = معدوم والفقر دا ليه أسرار
جربنا حقيقى جميع خطوط = ماشين تايهينودليلنا احتار
خط الفقر دا لفظ مخفــف = خط الفقر دا رمز العـــــار
تحت الخط ضميرنا هبط = مش لاقى شط لأى بحــار
قولولى الخط دا رايح فيــن = ومين هندس للفقرا مسار؟
فين فيثاغورس يحل خطوطه؟ = تربيع ومثلث دايره ودار
خط وخطه خطوط تخطيط = شخابيط من غير بوصلهوفرجار
جابوا الدعم يحل مشاكلى = وياما نعيشونشوف أفكار
بصرخ تحت الخط ونادى = نظرة عطف يا ناس ياكبار
وقالوا هتطلع فوق الخط = ويبقى دخلك ألــف دولار
خايفين كتر المال يضرك = دا المال فتنه وليه أضرار
| |
|
منى السايس مشرفة أقسام الصور
عدد المساهمات : 156 تاريخ التسجيل : 07/08/2011
| موضوع: رد: الشاعر راضى على الطهطاوى يكتب "خط الفقر" الأحد سبتمبر 30, 2012 9:32 pm | |
| تسلم أيدك ومرحب بيك معانا فى المنتدى | |
|
رانا محمد عضو ذهبى
عدد المساهمات : 111 تاريخ التسجيل : 07/08/2011
| موضوع: رد: الشاعر راضى على الطهطاوى يكتب "خط الفقر" الأحد سبتمبر 30, 2012 9:38 pm | |
| تسلم ايدك على الكلمات الجميلة ومجهودك ممتاز | |
|
رحاب أحمد مصراوى شغال
عدد المساهمات : 11 تاريخ التسجيل : 29/09/2012
| موضوع: رد: الشاعر راضى على الطهطاوى يكتب "خط الفقر" الأحد سبتمبر 30, 2012 9:41 pm | |
| | |
|