الشاعر راضى على الطهطاوى
شاعر مصرى
عدد المساهمات : 96
تاريخ التسجيل : 30/09/2012
 |  موضوع: قصيدة لو عايز تعيش للشاعر راضى على الطهطاوى  السبت أكتوبر 20, 2012 9:01 am | |
| حطم يأسك فوق صخرة أملك انسف جبل الهم القاعد على صدرك دمر خط العوده لجبنك احرق حزنك برماد الفرح الموجود فيك انسى ماضيك لو كان سلبى خلـِّيه مدفون ف أكفان النسيان خلى جروحه بعيد متجيش ارسم هدفك قدام عزمك اغسل جوفك من كل الأوهام طلع خوفك لو كان عشش فى الأحلام لازم تمحى الإستسلام زى الطير بينبت ريش اقطف عناقيد الهم المرسومه تكاعيب فوق وشك انفض كل تراب الشر المتشعبط فيك سيب الضحكه تطير وترفرف سيبها تهز الروح وتكركر ليه تحبسها يا سيدى ف سجنك لو تاهت منك تانى مفيش قاوم أسد الفشل اللابد جواك اطلق كل خيول الحب المربوطه بحبال حقدك خليها تغوص ف بحر هواك توصل كل الأعماق تكشف كل كنوز السحر هتلاقى ترياق عمره ما يأذيك من كل الأمراض يداويك فضفض إياك تتألم وماتشكيش محتاج لحبيب صافى يعزيك بدافع الهمه يجى يغذيك افرد للفرحه جناحك ازرع ورده لكل نجاحك وافتح للبسمه الشبابيك أوعى تقفل باب أو شيش لو عايز تعيش قص ضوافر طمعك امسح كل دموع واخلص عملك ازقى الخير يربى فروع يطرح أملك يبقى شموع تنور كل طريق وياك زى نجوم الشمس وأكتر تدبح ضلمه تموت خفافيش خليك زى الطفل برئ بيسامح الكل بقلب جرئ بينسى القسوه يحب الكسوه يرقص سامبا على المزازييك يحب يغنى لابس طرابيش وبيخدع نفسه بكل براءه مين فى الدنيا يا سيدى زييك لمّا الفرحه تغنى معاك تستناك لما تشوفك تيجى تتمخطر وتاخدك بالحضن لبر أمان تنادى عليك تحس معاها بطعم حنان وتلاقى نفسك بتحب الدنيا وعايز تعيش | |
|
