الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "حلم العروبة" الإثنين أكتوبر 22, 2012 7:14 am | |
| حلم العروبه باقى
مين قال
حلم العروبه مات؟
واندفن
من غير جنازه
أو مُغسِّل أو كفن
مات
والقطر فات
من سكوت
راح من غير رجوع
من غير دموع
حتى البكا ملهش صوت
حتى قبره كان سراب
لونه أسود كالغراب
حلم مات من سكات
واتحلل
والدود منه بيتسلل
كاره حتى الرفات
مش راضى ياكله من العفن
حلم العروبه اندفن
تحت التراب أصبح خراب
والأمل جوانا داب
اللى قال كده كداب
حلم العروبه لسَّا شباب
مليان عزيمه
عمره ما يقبل هزيمه
أو غروب
عمره ما يعرف هروب
لسَّا باقى فى الشعوب
ريحته فايحه فى الدروب
حتى لو كان ضوءه خافت
مهما كان الوضع لافت
أو طريقه منه تاهت
حتى لو كان لونه باهت
عمره ما غاب
أو قالو خاب
لسَّا حىّ
شمسه ضىّ
لو هتسأل راح يجاوب
مين وأىْ
حلم ليه ماضى وتاريخ
عمره مايكبر يشيخ
مهما كان فى يوم جريح
أو حتى واقفه فى وشه ريح
شىء حقيقى شىء أكيد
ليه شروق تانى جديد
نوره يقيد
حتى لو كان يوم ضعيف
أو قالوا عايش فى الخريف
جذوره حديد بتتمد
مش ممكن فى يوم تتهد
والحلم جوانا عنيد
بكره جىّ
دا الأمل جوانا باقى
مصرى سورى أوعراقى
حلم الزمان كمان
سعودى أو سودانى
هلبى لو واجب ندانى
نفس الجراح بيهز وجدانى
لسّا الأمل ويانا براح
عمره ماراح
بكره جىّ بشكل تانى
مالهش زى
حلم العروبه لسّا حى | |
|