الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "نبض من غير عروق" الجمعة أكتوبر 26, 2012 7:31 am | |
| اعذرونى حقيقى بجد جوايا الحلم أديه اتهد وكل ما برجع أحلم تانى ألاقى طريق الحلم اتسد محبوس ف قمقم أفكارى مكسوف من جبنى وإنكارى مكشوف ف عشى وأوكارى مشغول عن روحى وأذكارى من الخوف عامل درويش متصوف ومغوف لابس خيش محروم أنا حتى من الأحلام مرسوملى خطوط وفيها كلام أعيش بصمت بحزن ألام وحتى دموعى يا دوب ع الكد ياريت فى يوم مقدرشى أفكر ليه الناس بدأت تتنكر؟ واحد ماشى ياخوى مريِّــم شكله زى الجو مغيِّم ماشى بيهَطـِّل جوايا النبض أديه متعطـِّـل لازم أبطِّـل أنا أحلام وأعيش متغرَّب واتدَرَّب إزاى اتهرَّب واستمتع بالأوهام درويش ماشى لابس خيش ماشى بينادى قايل مدد القوه مش كترة عدد للى اجتهد وأخلص نيه وعبد وسجد بالرغم حقيقى فينا أسود بينا وبين الصح حدود بس انا نفسى أعيش ف الظل زى الدود متدفِّن عايش متعفِّن ميت عريان بيقول الدنيا غدَّاره بتلمع زى الطبق المتزيِّت ميت متعفِّن مش لاقى حد للجثه يكفِّن ميت عايز يتغطى اخوه جاييله يتمطى لاعزيمه لاقى ولاحيله اتشد ميت شايف نفسه وعينه بصيره عايز يتغطى بس ايده قصيره مش قادره تتمد ميت وبيصرخ وينادى نفسى يغطينى ترابك يابلادى يسمع نفس الصوت بعيد من قبر الموت اسكت زى اخواتك ساكتين واخدع نفسك قول أنا حى ع الجوع بيصحى ويبيِّت ويقول أهو شى بينادى زيَّك وبيصرخ بينادى ويعانى أنانى عايز من تانى يموت لا جاله الموت ولارد واحيانا بينادى ف همس كان لينا تاريخ بالأمس بينادى ف همس ويشجب عايز يحجب ضوء الشمس عايز ينجب ألف خساره ماتت كل حواس اللمس وأصبح واهن مش ممكن ميِّت ع الدنيا يراهن ميهموش يكون درويش يلبس خيش أو يلبس ريش أو يتنكر زى الكاهن ميِّت على عمره الضايع يتألم ياريته كان قادر يتكلم لينا كان ادَّى انذار الدنيا سراب كل ما توصل تلقاه اتمد قدامك طار اسكت كلمه فيها السر الكامن اسكت يبقى وضعك أمن هذا شعار الوطن العربى حقيقى بجد كل مانحلم نلقى الأمل الحلو اتهد | |
|