الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "نبع الحنان أمى" الجمعة أكتوبر 26, 2012 7:39 am | |
| 29- إلى نبع الحنان
شايله همّى وأنا كبــــير = وبتدعى ليّا كل ما اسير
لو كنت غربه أو تأخير = قلبك ياامى ورايا يطير
داانت يا أمى نبع حنان
ياما سهرتى لحد الفجر = يا ما بكيتى عند الهجر
يا ما شيلتى فوق الحِجر = متوصى عليك بنهى وزجر
قدم الأم دا تحته جنـان
قلبك يا أمى كبير وحْنيِّن = واحنا بنقسى وقلبك ليّن
دايما ً تدى وفضلك بَيِّن = مهما ادينا ليكى هيّـن
ياما بتدى ف كل زمان
أنت سر الحب الكامن = أنت لينا الحضن الآمن
ياما مسحتى لينا دموع = شجرة حب وطارحه فروع
بيعطش قلبك لينا ويجوع = وف فرحتنا يقيدها شموع
موسيقى تعزف نبض كمان
حافظه عيونى لما بتكلم = قلبك ينزف لما بتألم
كلمه نصيحه وبسمه تعلم = وتدعى بلهفه يارب تسلم
مفتوح لكل دعاك بيبان
لو مست قلبك صخره تحن = ملاك بيدى ولا بيِّمن
الرحمه بتمشى جسم وروح = حزنك يقـتل وأنا مجـروح
وأجرى عليك بسرى وابوح = دا انت الرحمه أديها بتفوح
واللى يقولك أف مُدان
انت يا أمى نهر الحـــــب = شرايين قلبك فيه بتصب
أنت غطايا وعشى الدافى = حضنك ياامى بلسم شافى
مخلص حبك نوعه صافى = احنا بنهجرنقسى نجافى
تسامحى وتعفى فى كل أوان
داانت يا أمى نبع حنان
****** | |
|