الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "سلامتك بلادى" السبت أكتوبر 27, 2012 6:39 am | |
| سلامتك بلادى
سلامتك بلادى يا فرحة ودادى = متيم وبيكى قلبى أســــــــير
سلامتك ونيلك ونعيش نغنيلك = يموت اللى كارهك وعمره قصير
هترجع عصورك تزهزه قصورك = وتطرح جناينك مسك وعبير
سلامة عيونك وربى يصونك = جمايلك علينا وخيرك كـــتير
عاشق ملامحك وقلبى مسامحك = وحضنك دوايا وقلبك كــــبير
نجومك وشمسك وصوتك وهمسك = ولمسك دليلى فى خط المسير
حافظ حيطانك وريحة غيطانك = وبهتف بحبك وسرك فى بـير
بعيدك أروح ألاقى الجـروح = وأصبح فى غربه وزادى مرير
شوفى أنينى وشوقى وحنينى = أرفرف وأرجع لحضنك أطير
عطشتى تلاقى روحى سواقى = تنادى ألبَّى وأمرك يصـــــــير
قطنك ودهبك ومين اللى نهبك = ومين اللى مخلص وبيكى جدير
شبابك ربيعك لوغادر يبيعك = بتصبح نهايته فى أسوأ مصير | |
|