الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "دارى وشك" السبت أكتوبر 27, 2012 6:54 am | |
| دارى وشك
دارى وشك حط ستــــاره = صورك ماليه جرايد الحاره
كنت وزير وبتسرق بلدك = رشوه فساد وعاملها شطاره
كل كلامك كدب وباطـــل = حارق دمى فاقعلى مــراره
ألفين قصر وألفين عزبـه = بنك رصيدك يملا عمــاره
كل فاضيحك ماشيه تجلجل = صارت غنوه زى سمـــاره
واحنا بنصرخ نشكى ونبكى = نلقى الخط مافهش حـــراره
كنت بتخنق صوت أحلامنا = وأى معارضه تضيع بإشاره
ناس فى العشه وجوا مدافن = حتى اللقمه واخدها تــجاره
لحم حمير وطفح مجارى = تيجى تقوللى دا رمز حضاره
كنت توافق كنت تنـــافق = شغل أونطه لعب قــــــذاره
غش خداع تزوير أصواتنا = وتحلف إنك أهل جـــــداره
طالع نازل تنهش فيـــــنا = وكل جرايمك سبق صداره
ياما مصانع صبحت نـار = وتقوللى الجانى فولت شراره
شفنا الضلمه بفضل ذكائك = حتى الشمس ماليها أمــاره
خليت ابن بلادك يشحت = مهدود حيل مش لاقى بصاره
ياما خصخصت وياما مصمصت = وعارف إنى الصفقه خساره
بس ضميرك مات جواك = ماشى مغرور بفن كـــباره
كنت بتمشى زى طاووس = وعينك حمره وفها جـساره
خدت سنين العمر الحلوه = وكل فلوسنا راحت فى مغاره سبت الشعب يعيش موجوع = مكر وغدرخبيث فى إداره كل اللعب صبح مكشوف = طبله طار رق وزمــــــاره
جاى دلوقتى عامل مكسوف = خش السجن بألفين غـــــاره
ادخل سجنك اجنى عمايلك = فلم حقيقى دا كله إثــــــــاره | |
|