الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "شيلى دموعك" السبت أكتوبر 27, 2012 6:55 am | |
| شيلى دموعك
شيلى دموعك قيدى شموعك * مدى الخطوة تلاقى نهار
شمس تاريخك عادت تانى * قمرك لف الدنـــــيا ودار
مجدك أصبح تانى يغـنى * لما شبابك هب وثــــــار
ورد جناينك فتح عـــوده * حطم كل سنين العــــــار
حطم كل قيود الباطــــل * تلاتين حزن وفقر مرار
كانت شله لابسه قنــــاع * بايعه ضمير والنيه دمار
خنقوا الضحكه جوا حناجرك * خلوا الحلم معاكى ينهار
كانوا يقولوا دى أزهى عصور * كرسى العرش وريث بقرار
كل الصوره كانت شخابيط * مخ العاقل كان محــــتار
خلوا طيور العش تهاجـر * جابوا الأهبل ع الزمار
ترفع صوتك تبقى ضحيه * ألفين تهمه وسجن وتار
لما الباطل عدا حـــدوده * حاكم شعب بقيد من نار
قوت أولادك كان منهوب * رشوه فساد تعتيم أخبار
هب شبابك من تحريرك * قال هنصحح كل مسار
جابلك شمسك بعد غياب * وكل رجوله وليها أسرار
خلوا الدنيا تشهد تــــانى * إنى المصريين أحـرار
انسى جراح التلاتين حزن * ولسا طريق الحلم خضار
شيلى دموعك قيدى شموعك * مدى الخطوة تلاقى نهار | |
|