العيد واللحوم
قررت هبطل
أكل لحـــــوم*** والفرخه وسمكه عنها هصـوم
مش رايح
أخاف من أى أنيميا*** وهبقى
نباتى وهقدرأقــــوم
كيلو
اللحمه عايز ميزانيه*** بصل وخضار وسَمن وتـوم
وهنسى
طبيخ اللحمه تمام*** بيجيب تخمه وعسر هضـوم
ولمَّا
الست مراتى تطلـــبها*** هاقوللها لقيوا فيها سمــوم
وأحاول أخلـَّى ولادى تكرهها*** أقول دا كلاب وحمار مفـروم
وانسى
كمان شارع الجزار*** لمَّا بشوفه بصير مهمــــوم
بس الشئ
اللى محـــــيرنى*** جارنا الجزار يحلف مظلـوم
ويقول كل
دبيحه بتخـــــسر*** بدفع سلخانه ورسم خـــتوم
كلمة
لحمه بقت رفاهيـــــه*** على محدود دخل ومعـــدوم
عايز بس
يجيب طلباتــــــه*** علاج
وفاتوره وعيش وهـــدوم
بيجيب
حته ف يوم العــــيد*** وبياخد شمه وقت لـــــــزوم
بياكل
ليل نهار طعميـــــــه*** وبيدعى المولى الزيت يدوم
ويقول
هيه جات ع اللحمه*** ما أنا من كل الخير محـروم
ناقص
الهوا يتباع فى قزايز ***وضريبه
ع الحلم كمان والنــوم
بناكل
لحوم بعضينا بقسوه*** وحوش
فى الغابه سمك بيعوم
بنضيع
وقت يا دوب فى كلام*** والكل
ف غيره قاعد بيلــوم
تعالوا
نخضر صحرا ونزرع*** معانا ثروه شباب وعلــــوم
نربى
مواشى هناكل لحمــه*** تلات
وجبات وزياده فى اليـــوم
مصر
عظيمه وتقدر تنتـــج*** وديه حقيقه وشئ معلـــــوم
بس
عزيمه وضمير يصحى ***هنعدى الأزمه وأى غيــــوم
وهنلقى
الخير فى كل بلادنا ****ونجاح لجهودنا يكون محتوم