الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "وطنى حبيبى" الأحد أكتوبر 28, 2012 8:31 am | |
| وطنى حبيبى
وطنى حبيبى يا كل الوجود ** يابلسم آهاتى وعطرالجدود
بحبك محبه ماليها حــدود ** أضحى عشانك أحطم قيود
حبك فى قلبى يداوى جروحى ** بحسد فى نفسى وبحسد فى روحى
لأنى فى أرضك بقيت مولود
بحبك ياوطنى وعشقك فريد ** أبعد أسافرأروح لبعيـــد
يبكى فؤادى وينزف وريـــد ** ألاقى لهيبى وشوقى يقيد
والغربه بعيدك أعيشها مرار** أرجع لحضنك فى أول نهار
ألاقى اشتياقى فى حضنك يزيد
بحبك ياوطنى بحبك بجــــــد ** أهاجر بعيدك إليك بتشـــد
مش ممكن جمايلك فى يوم تتعد ** فى حزنى بلاقى إيديك تتمد
بعيدك بتصبح حيـــــاتى ألام ** ألاقى طريقى شوك وضلام
وحلمى بعيدك أكيد يتهد
بحبك يا وطنى يا شمس الزمان ** يا بحر الموده ونبع الحنان
حبك فى روحى فريضه وأذان ** وقلبى بيعزف بحبك كمان
بعيدك بتصبح حياتى سراب ** أوصل مطارك أبوس التراب
مش ممكن بعيدك ألاقى أمان
بحبك ياوطنى محبه وجنون ** وحلمى بعيدك بيصبح ظنون
خيرك مضلل وطارح غصون ** أضحى عشانك حياتى تهون
عهدك ومهدك تاريخك ونيلك ** طاهر ترابك وقلبك دليلــــك
بتعرف حبايبك واللى عايز يخون
| |
|