الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "القلم الحزين" الأحد أكتوبر 28, 2012 8:32 am | |
| آه يا قلم مكتوب عليك تشيل الهم تنزف بدل الحبر دم تمشى غريب فوق السطور تشكى همومك للورق تلاقى الحرف جواك اتخنق والحلم من خوفك اتسرق والورد يصبح من غير عطور آه يا قلم بتشكى مش لاقى خال ولا عم عايش وحيد فى الغم بتصرخ عايز ألمك يطيب مش لاقى طبيب يداوى الجراح تتلم ويطلع كلامك يشوف النور يصبح ورود تنشم آه يا قلم سرك عجيب قسمه ونصب تعيش غريب تقرا كل الناس كلامك بس ما يحسوا بألامك مش لاقى قلب يكون حبيب يفهم غناك يسمع بكاك يمسح دموعك ويشيل معاك الهم دا أنت ياقلم صوت الحق صرخة المظلوم واللسان والفم موجوع بتنزف بدل الحبر دم | |
|