الشاعر راضى على الطهطاوى
شاعر مصرى
عدد المساهمات : 96
تاريخ التسجيل : 30/09/2012
 |  موضوع: الشاعر راضى على الطهطاوى قصيدة "مصر الحبيبة "  الأحد أكتوبر 28, 2012 8:52 am | |
| كل ما افتش فى دفاتر قلبى ألقى حبك جذوره خضار وكل ما أحاول أنسى هواك أحاول أجرى بعيد أنساك ألقى جذور طلعت أشجار باحاول أحاول أبعد عنك ألقى الشوق بيشعلل نار حب معشعش فىَّ وساكن محتل فى قلبى كل أماكن قمرالليل وشمس نهار بحاول أهرب منه بعيد ألقاه يكبر تانى ويزيد بانى كل قواعده حديد قصر حقيقى وأجمل صرح حافر جمله بقلم الفرح مكتوبه على كل جدار محقونه فى كل وريد مش ممكن حبك فى يوم ينهار انت الحب الصافى انت الحضن الدافى أنت الأم احنا بنقسى وهي تضم كل ما نبعد ليك نتشد نلقى الإيد بالخير تتمد والحب بيعزف فينا أوتار أنت ترابك مسك يفوح ريحته معانا منين مانروح أنت القلب وأنت الروح والوطن الطاهر ليه أسرار | |
|
