الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "نفسى أكون عصفور" الإثنين أكتوبر 29, 2012 8:19 am | |
| [ندعوك للتسجيل في المنتدى أو التعريف بنفسك لمعاينة هذه الصورة]نفسى أكون عصفور بقلم الشاعر راضى على الطهطاوى[ندعوك للتسجيل في المنتدى أو التعريف بنفسك لمعاينة هذه الصورة]عصفور بيرفرف طاير حر
فارد جناحاته فوق كل جناين الورد يمر
مش خايف على رزقه لحد مماته
مش خايف من بكرا
ولا خايف من ماضى يضر
ولا خايف م الست حماته
ولاخايف قطر وظيفته يكون فاته
ماشى طاير زى الريح
يرقص يضحك مهما جريح
كل غناه حب وتفاريح
يعزف ألحان بشكل صريح
عمره ما يشكى ف يوم معاناته
بيسافر كل بلاد الدنيا
من غير جوازات أوتصاريح
متحرر من كل قيود
حرية حقيقى ما ليها حدود
ما بيعرفش معنى روتين
ما بيعرفش الزحمة
أو أزمة لحمة
عمره ماشاف العيشة الطين
ولا حتى ديون الدكاكين
عمره ما خاف دبح السكاكين
إل جايباها معاها مراته
عمره ما كان ف يوم متشائم
كل الوضع معاه متلائم
مش مهموم بدفع إيجار
وفاتورة وعيش وزيادة أسعار
شايف كل الصورة تسر
مش شايل هم عياله بعد وفاته
مابيسمعش كلام تخاريف
بشكل سخيف
ما بيسمعش الجملة البايخة
"مش عارف بتكلم مين؟!"
عصفور بيرفرف طاير حر
ما حدش أبدا ً هانه ف ذاته
عمره ما فكر ينهى حياته
مهما كان قدامه سدود
أو شاف ألوان الدنيا السود
أو داق طعم الدنيا المر
يادوبك بس بيملك عش
ياكلها بدقة وملح ومش
عصفور برئ
عمره ما يعرف معنى الغش
عمره ما كان ف وطنه حزين
مش لاقى أمان أو صدر حنين
خايف حتى ف يوم يهش
يلاقى الضربة فوق الوش
يخاف ويكش
ويبطل يحلم
يكون عصفور [ندعوك للتسجيل في المنتدى أو التعريف بنفسك لمعاينة هذه الصورة] | |
|
Ahmed Shams الـــــــــــمــــــــد يـــــــر
عدد المساهمات : 1274 تاريخ التسجيل : 18/07/2011 العمر : 42 الموقع : shamsmasr
بطاقة الشخصية البيانات الشخصية:
| موضوع: رد: الشاعر راضى على الطهطاوى قصيدة "نفسى أكون عصفور" الإثنين أكتوبر 29, 2012 11:30 am | |
| الله ياراضى موضوع جميل جدا تم تنسيق الموضوع وتزينه
| |
|