الشاعر راضى على الطهطاوى
شاعر مصرى
عدد المساهمات : 96
تاريخ التسجيل : 30/09/2012
 |  موضوع: الشاعر راضى على الطهطاوى قصيدة "انتحار قلم"  الإثنين أكتوبر 29, 2012 9:30 am | |
| [ندعوك للتسجيل في المنتدى أو التعريف بنفسك لمعاينة هذه الصورة]إنتحار قلم بقلم الشاعر راضى على الطهطاوى[ندعوك للتسجيل في المنتدى أو التعريف بنفسك لمعاينة هذه الصورة]
مالك يا قلم؟! بتتكعبل فوق السطور مش قادر تتور
تاه منك كلامك ولا خايف يفلت زمامك وأعصابك تفلت تثور
وتدوس وأنت ماشى ع الحروف
وتروح ضحيه للظروف
بتبكى ما حد سامع شكوتك
ما حد قارى كلمتك
خايف تموت بحسرتك
بتهرب بعيد زى النسور
يا ما كنت شجاع جسور
جناحك بيحمى إللى انظلم
مالك يا قلم؟!
ماشى فوق السطور زى الكفيف
ولا َّمربوط بحبال اليأس تكتيف
ولا َّحروفك غرقت ف بحر الهم مش لاقيه مجاديف
ولا َّخايف النص يتقص
ويتمسح بفرشة التحريف
مالك يا قلم؟!
[ندعوك للتسجيل في المنتدى أو التعريف بنفسك لمعاينة هذه الصورة]
رد القلم :
قال بنكتب من سنين
بننزف الآه والأنين
بنعرض صراخ المجروحين
بس إللى شارى فينا مين؟
كله عطشان للحنين
وكله عن الصح افترق
والفكر جوانا احترق
وجف العرق من فوق الجبين
ورحيق العطور من كل الورود اتسرق
والفكر جوايا اتهشم زى القزاز مبقاش ينعاز
بقى بارد هامد خامد جامد
ناره مش قادرة تمور
وأنا والورق جانا فتور جانا نفور
ونويت أعيش فى صمت
أنا والحبر الحزين
نحكى لبعضينا الألم عن ذكريات
الصوت إللى مات
من سكات أصبح رفات
بعد ما الحلم جواه اتخنق
زى صوت المحرومين
مش ممكن أعيش والدافع مافيش
قلم من كتر حزنه أصبح ضرير
مش سامع صرير
عاجز وراقد فوق السرير
أعلنها صريحةلازم أموت
واكتب فوق التابوت
نعى الوداع
وارسم على قبرى
نعش القلم
[ندعوك للتسجيل في المنتدى أو التعريف بنفسك لمعاينة هذه الصورة]
| |
|
Ahmed Shams
الـــــــــــمــــــــد يـــــــر
عدد المساهمات : 1274
تاريخ التسجيل : 18/07/2011
العمر : 42
الموقع : shamsmasr
بطاقة الشخصية
البيانات الشخصية:
| | موضوع: رد: الشاعر راضى على الطهطاوى قصيدة "انتحار قلم" الإثنين أكتوبر 29, 2012 11:09 am | |
| تسلم الأيادى يا راضى
تم التنسيق والتزيين
| |
|
