قصيدة (متغربين ) للشاعر ناصر على

قصيدة متغربين
للشاعر ناصر على

تعبانين جوة الوطن ... متغربين

تايهين فى غابة من المحن مستنيين

والحلم صرخة بتندفن جوة السنين

واهين واه يا اهل البلد يا مطحونين

والدفة حادفة مغمضة شمال يمين

محتارة ليه يا سوسنة واخدانا فين

ارجعيلى شمعة قايدة نورى ليلى الحزين

ارجعيلى وردة نادية عطرها يمحى الانين

طمنينى فرحينى يام كل المغرمين

اصل انا مزروع فى طينك طب قوليلى كلمتين

لو مفيش مكان فى حضنك طب قوليلى نروحوا فين

برضه خايف تهرسينا يبقى تهنا مرتين

عشمانين يا طاهرة اوعى مش هنحمل بطحتين

احنا منك وانتى لينا واحنا ليكى ضى عين

ساكتة ليه ماتقومى يالا لمى كل الزعلانين

قومى يالا صلى فجرك واحنا هنردد امين

اشكرك اخى العزيز احمد على هذه اللفتة الرائعة

التى اسعدتنى كثيرا لك تحيتى وتقديرى

تسلم ايدك اخي ناصر بجد الله اكبر كلماتك تجنن ورائعه

اشكرك لمرورك الاكثر من رائع

اخى الغالى استاذ / خالد جمال شمس

تقبل تحيتى وتقديرى

جميل جدا
استمر

اشكرك اخى الغالى

اسعد كامل على مرورك

الرائع

تحيتى وتقديرى

قصيدة رائعة لكل منى كل تحياتى

اشكرك لمرورك اخى الغالى

الشاعر سيد شهاب لك تحيتى وتقديرى

كلمات رووووووووعه تسلم ايدك يافنان

مرورك هو الاروع اخى الغالى

عمر لك كل الود

تسلم الأيادى يا كبير الشعراء

تسلم إيدك يا أستاذ ناصر على الكلمات الجميلة دى

حلوه اووووي حكايه خالد جمال شمس دي والله الشرف ليا اني انتمي لعيله شمس والله

ههههههههههه عذرا اخى الغالى خالد جمال

العتب على النظر

برضه يا ولدى احنا عضمة كبيرة برضه

ههههههههههههههههه

والله حلوة برضه هى جات كدة لواحدها

والله روحك جميلة اخى الغالى خالد جمال

تقبل تقديرى وودى

انت بالفعل استاذي ناصر عظمه كبيره مش عضمه كبيره ...انت استاذ الكل...وانا جزء من الكل يبقا انت استاذي

ربنا يديم المحبة اللى بينا

اخى خالد انت ونعم الصديق والاخ

شرف ليا يا كبير العيله اني اكون صديق واخ

ربنا يدوم المحبة

والاخوة ان شاء الله

» قصيدة ياريت افهم للشاعر ناصر على
» نهارنا نادى للشاعر ناصر على
» مسابقة قول ياعم ( قسم الشعر العامى والشعبى والغنائى والزجل) { إدخل شارك بشعرك }
» قصيدة ( احلامنا ) ناصر على
» قصيدة ( السواقى ) ناصر على