مسابقة قول ياعم ( قسم الشعر العامى والشعبى والغنائى والزجل) { إدخل شارك بشعرك }

مرحبا بكم معنا فى مسابقة

مسابقة قول ياعم ( قسم الشعر العامى والشعبى والغنائى والزجل) { إدخل شارك بشعرك } 1321290011421

قسم الشعر العامى والشعبى والغنائى والزجل

هذا القسم مخصص للشعر العامى
والغنائى والشعبى والزجل والخواطر إلخ...
إن كنت تريد الأشتراك فى هذا القسم
فقط إترك الشعر الذى ستشترك به فى
الرد .. وأكتب إسمك مع الشعر

يامصر إحنا شبابك كلمات مصطفى أحمد الدرديرى

يا مصر احنا شبابك
حلفين لنحمى دارك
يا امى دا احنا ولادك
حلفين لنحمى دارك
بقلوبنا اطيبين
... حلفين بالف يمين
لنبنى والله ونعمر
ونزرع فيكى ونخضر
هنزرع شجر الخير
يرفرف على فروعو اطير
يطير عل كل فؤاد
يقول دا خير لى الولاد
بالعلم والموراد
نورو كل البلاد
يا امى دا احنا ولادك
حلفين لنحمى دارك
انا كبرت وتربيت على خيرك
وجه اليوم ارد دين من دينك
دا انا مهما يا امى اديتك
ومهما يا عمرى عطيتك
موفى دين من دينك
يا مصر احنا شبابك
حلفين لنحمى دارك
يا امى دا احنا ولادك
حلفين لنحمى دارك
بقلوبنا الطيبين
حلفين بالف يمين

مين اللى خان التانى كلمات أحمد شمس

مين إللى خـان الــتانى ... مـين إللى بات مظلوم
مين إللى كان الجــانى ... عـلـى حـبـيـبه فى يوم
غدر وخيانة فى طبعك ... ظــلـم وإهانـة فــ دمك
ياخسارة ألــف خسارة ... لو كان فى ناس بتحبك

بـتـبــيـع ولا بـتـقـدّر ... وبأغلى الناس بـتغدر
حابـب تـعـيشها وتأمر ... مغرور سفيه مـتـكـبر
أصل الجماال غواك ... وعشان كتير يـهــواك
تـكـسـر قـلوب حباك ... وتبيع فى ناس شرياك

كـــل الـلـى بـيـحـبـوك ... عـلـشـان جـمـالـك بـس
ولا لحظه يوم حسـوك ... وأنـــتـا ولا بـتـــحـــس
عشقوك عشان يغووك ... لطريق شيطان الـجـنس
خونت ودوست عـلـيا ... وأدى أخرتك شوف بص

مــاشــى بـتـصـرخ أه ... يخسارة عــّ اللى ضاع
إنتا إاللى قولت بنفسك ... وداع وألـــــــف وداع
مشيت ورا شــيـطانك ... ده شيطان سليط خداع
إشــرب مـــرار وألام ... وحـــس بــأالأوجــــاع

عرفتوا ميــن الخاين ... أظن كلامى باين
قلبى ده كان الصاين ... وهوه كــان بياع

قصيدة (متغربين ) ناصر على

تعبانين جوة الوطن
متغربين

تايهين فى غابة من المحن
مستنيين

والحلم صرخة بتندفن
جوة السنين

واهين واه يا اهل البلد
يا مطحونين

والدفة حادفة مغمضة
شمال يمين

محتارة ليه يا سوسنة
واخدانا فين

ارجعيلى شمعة قايدة نورى
ليلى الحزين

ارجعيلى وردة نادية عطرها
يمحى الانين

طمنينى فرحينى يام كل
المغرمين

اصل انا مزروع فى طينك
طب قوليلى كلمتين

لو مفيش مكان فى حضنك
طب قوليلى نروحوا فين

برضه خايف تهرسينا
يبقى تهنا مرتين

عشمانين يا طاهرة اوعى
مش هنحمل بطحتين

احنا منك وانتى لينا
واحنا ليكى ضى عين

ساكتة ليه ماتقومى يالا
لمى كل الزعلانين

قومى يالا صلى فجرك
واحنا هنردد امين

قصيده شباب ورايح للوبا كلمات خالد جمال الشاعر

هي حكايه هجولها وملهاش اخر
ركبو فمركب كانت ولاّ بواخر
وادي واحد بيجول للتاني يالاّ اتاخر
وشبابنا بجو وسط البحر وكدا مالأخر

وسط الميه الريس بيجول يالاّ وصلنا
رد الواد حمدان... بيجول كيف؟
يعني انزل واعوم من غير مجاديف
هو انا ايه.. عالترعه في عز الصيف

جري ايه يا خلج... الرحمه منين
ده الريس بيجول انزلو اتنين اتنين
رد الولا جرجس.. هنموت غارجين
وادي فتحي بيجول ياخلج هنشيل الطين

نطوا شبابنا في وسط البحر
ويادوبك ادامهم ييجي كام شهر
علشان راح يوصلوا لهناك في البر
وهيوصلوا بس راح يوصلوا فاجدين العمر

بعد مبيّيع لومّو مصاغها وسابها تطج
والتانيه من غُلبها ماسكه فخلاجتها تشج
ودا راجل جاعد عالجنب بعيد عالخلج
وادي واحده سابها راجلها في وسط الطلج

لو كانو فضلوا ف ريح الدار عالشط
ومحدش فمراكب لا راح ولا نط
ولا ساب بلده وداره لبلاد بره وفط
وحياته علي كف العفريت كان حط
كان يفضل سلمان علي طول الخط

اسكنينى

خبى طيفك جوا عينى كحلينى
و برموشك غطى صورتى جوا عينك احضنينى

على نبضك فى عروقى زلزلينى
و فى عروقك غنى نبضى نغمة حلوة اطربينى

لحنينى غنوة حلوة و فى منامك اسمعينى
و ارسمينى لوحة حلوة و فى عيونك بروزينى
و فى عيونك بسمة رايقة نكتة حلوة ضحكينى

فوق شفايفك كلمة حلوة انطقينى
قولى اسمى ويا كلمة حب واحدة طمنينى
قولى اهة حب صادقة من اهاتك ارعشينى

فوق سطورك قصة حلوة اكتبينى
نسمة صافية من زفيرك عطرينى
انتى ساكنة جوا قلبى بتملكينى

اسكنينى اسكنينى

ثوار - شريف عبد الفهيم
----
ثوار ... ثوار
وسط الظلم
ووسط القهر
ووسط النار
وسط العتمة
ووسط الضلمة
بين الدم وبين الهم
طول عمرنا هنكون ثوار
واوعى تفكر
إن سلاحك راح يحميك
دا احنا شبعنا ظلام وسجون ومرار
واسأل روحك
قبل ما يتهيألك إنك
راح تكسرنا أو تهزمنا
ما احنا كمان شاربين من نيلها
ياما لعبنا ف وسط غيطانها
واتمشينا ما بين حواريها
واما كبرنا
وعدت بينا سنين وسنين
جينا نرد جميلها علينا
فاكر نفسك
إنك إنت المصري لوحدك
وانك انت القادر وحدك
ما احنا كمان
علي حبها قادرين
صابرين
ليه مش قادر تفهم إني
باعمل ثورة عشانك وإني
كل ما بازعق واصرخ باحمي
عرضي وعرضك
أرضي وأرضك
واني باحاول أزرع ف ابنك
نخوة وعزة
وانه ف بلده يعيش بكرامة
فاكر انك بالدخان
راح تكسرني
وإني هاخاف لتيتم ابني
مانا ف الآخر هابقى شهيد
أصلي خلاص ما بقيتش بأخاف
أما ولادي فليهم رب
وانت ف يوم ما هتقدر تاني
تكسر نفسي
وتخليني منك أخاف
أو إني اجري منك تاني
وسط حواري ووسط دروب
ولا هاتخبى ف عتمة ليل
أصلي ف يوم ما هاموت هيقولوا
مت شهيد
واوعى تفكر إني باخاف
اني ف يوم ملقاش الزاد
أو ماعرفش اربي ولاد
ما انا لو خفت
راسهم راح هتطاطى وسط صحابهم
افهم بقى
ما انا مش ممكن ابطل أثور
طول ما في ف صدري نفس بيفور

يا أســـد خليـــــك شجاع ده طبع الأسود الشهامه

والشرف لو مره ضاع تضيع معاه الكرامــــة

والأسد يصارع سبـــاع مش يهاجم حمامــــــــه

ــــــــــــــــــــــــــــــــ

أسد على شعبــك يا غـــادر وفى الحرب تبقى نعامة

حرر الجولان لو كنت قادر من ايــد اليهـــود اللمامــة

نصــــيحتى لازم تغــــادر قبـــل ما تشـــوف الندامة

ـــــــــــــــــــــــــــــ

فى أدلب وجسر الشغور ح تــلاقى أســودة يــامــا

والأسد ح تلقاه جســـور مش زيك ف غاية التلامه

وكلمتــه كتبـــها بنـــــور وشهادتــــه هى العـــلامة

ـــــــــــــــــــــــــــــــــــ

بشار وما فيش بشارة جـــزار ويللا الســــــلامه

سكينه حامية شرارة وتدبــح فى غايــة الصرامة

فى شعبه فاتح جزارة والشهدا فى الحوارى يامــا

ــــــــــــــــــــــــــــــــ

شعبنا فى سوريا همام ووحـدتنـــا كانت عظيــــمة

وكنا عايشين ف سلام والعيشــــة كانت كريـــــــمة

وقوتنا كانت تمـــــــام والعدو ضربناه بالقديـــــمة

ـــــــــــــــــــــــــــــــــ

يا شعب شعللها نـــــار علــى ولاد اللـئيــــــــمة

أخرتها والله أنتصـــــار بالاصرار ويا العزيمة

وبكره ح يطلع نهــــــار وسوريا ح تفضل سليمة

إللى بشوفه وقفنى - علاء بدر

مش لاقى حاجةاكتبها
اللى بشوفو وقفنى
مش لاقى حاجةاكتبها
الى جاى مخوفنى
حرب ضرب نار ورعب
بلدى فى كرب
وسلطة بتكفنى
******
بس هافك القيود
لا اسوار ولا حدود
هتقف فى وشى تانى
ولا حاجه هتمنعنى
انا الشاعرالثاير
من25يناير
هاكتب واعلى الصوت
مهما الصوت يوجعنى
لسه فى باقية جراح
دم الشهيد اللى اللى راح
زيو انا فاتح صدرى
برصاصك انت موتنى
او بعصايتك اجلدنى
جررنى حتى واسحلنى
زى بنت جميله من
شعرها شدتها وشدتنى
او اخنقنى بغازك
وصدر لعدوى غازك
اللى اصلا ده غازى
اللى بيه بكرة هيحرقنى
خون اكتر من مرة
اعملها واهرب بره
مش هاسيبك راح اجيبك
وهاحاكمك ياللى ظالمنى
ابنى بعدى هياخد طارى
وهتبرد بايدوا نارى
لما فى بلدي يعلى
ويزور قبرى ويفرحنى
علاء بدر

ايه اللى صاب العروبه.. شتت مابين البلاد؟

آدى أمه باعت ولدها, وجيرانها حاضره المزاد

ياحسره دقت طبولك.. على رؤوس العباد

فى عيدنا نشرب مذ له ,ولبسنا توب الحداد

*****

الهم مخلوق عشاننا, ولو مجالنا نجيله

نحرق فى زرعة بلدنا , وغريمنا نعشق نجيله

صدام بدبحه اندبحنا, وغاصبنا بيهز ديله

مهما نثور واتناطحنا..مين اللى هايكون بديله؟

*****

داكان فارسهم , وفارس.. تلقاه فى كل الشدايد

ولاعمره ميل لريحهم, ولاكانش واقف محايد

وعشان يكون تحت ريحهم.. خلقو الفتن والمكايد

خلينا نحسبها بيننا.. هاتعود لمين الفوايد؟

*****

احنا اللى اخوة عروبه, والغرب دايما راصدنا

طول عمره حاقد علينا , ونفسه ينهب رصيدنا

ولاكانش مفروض علينا, ولاكان فيه شيئ غاصبنا

نفتح للكلبه تدخل.. تنهبنا وتغتصبنا

*****

ياصاحبى جفف دموعك..خللينى امسح دموعى

النار بتنهش فى لحمك, وليبها بنهش ضلوعلى

وانا اللى باسال وراكن على كسر نفسى وخضوعى

ايه اللى يشبع غريزتك..علشان ماعنتيش تجوعى؟

*****

مين اللى قال اننا ..تهنا او ضيعنا؟

ومين اللى قاصد بغله يخل اوضاعنا؟

ياشاربه دم البشر, وشبعتى من جوعنا

تستمتعى بذلنا , وادمنتى اوجاعنا

*****

الدم سال ع الشفايف, وبتلحسى الفكين

م المسجونين بين نيابك , او حتى م الفكين

لاتار مابيننا, ولااحنا كنا متعاركين

هاتعيشو دايما بعاركم, وتموتو متعكين

*****

بكره التاريخ ع الورق..يكشف فضايحكم

وشعوب كتير م الجيران, بالفضفضه يحكم

يقولو كلب السكك.. جه م الفضا يحكم

بإيد بتحضن, وايده التانيه دابحكم

*****

داسين سمومكو ف جيراننا وف كل مافريحنا

من يوم ماداست قدمكوالشينه مافرحنا

اما استجارت جارتنا.. هو اللى جاراحنا؟

مانت اللى أس البلا , وانت اللى جارحنا

*****

يشهد علينا الزمن.. لافى بيننا تار,ولادين

عروبتنا كانت أخوه..مش شرط م الوالدين

وعشان مصالح كلابكم ,غررتو بالولدين

كانو حضن واحد لأمه , مع انهم بلدين

*****

ياما قبلك كان جبابره , واتسحقو فى العلمين

سفك الدما كان غرامهم.. ورينا علا مين؟

ياللى انتى آفة زما ننا, ومشتته العالمين

احنا اللى لازم نقول لك :الدور ده جاى على مين؟

قصيدة : انا عاشق تراب أرضك . احمد رمضان الخطيب

انا عاشق تراب أرضك انا ابنك وانا رَاجلك
وانا اللى قلت من اجلك.. هاعيش العمر خدامك
هاحقق كل احلامك ..وانور كل قناديلك
وهارسم بسمه فى شفايفك
بلهفه وشوق واغنيلك

بغنوة حب على نيلك.. بتسعد كل ايامك
فداكى دمى ودموعى.. ياصرخة صوت بتألمنى
يامين ياناس يحكمنى
واكون رَاجلك

وقت الشده اكون قبلك.. واقول ازاي مانيش قبلك
وانتى ساكنه وجدانى.. وحبانى وانا حبك
هعيش حارس على بابك
والم فى كل احبابك ..واجمعهم على حبك
واصون عرضك

اكيد عارف ان قلبك أم
يحن بألف حضن يضم
ومن همسه يروح الهم
ورغم انى ملامحى جروح
اخبى دموعى واضحكلك
انا عاشق تراب أرضك ..انا ابنك انا رَاجلك

أِرمى كل احمالك على كتافى
وضمينى ادوق من حضنك الدافى
عشان البرد عدَى جوا شريانى

وخلا كل تلج يزيد
يتوه منى فى احزانى
ويتكوم ويبقى جليد

ياتعبانى و وخدانى
هاحطم كل زنازينى واقيم فرضك
هاشيل الدمعه من امسك
واتمنى اشوف شمسك

وازين كل خطاويكى
وابات على غصنك الأخضر .
واتمايل مع المنظر
ياعود سكر

انا اصلك وانا وصلك
واكتر حد فى الدنيا يكون حَسِك
انا ابنك انا رَاجلك
انا العاشق تراب أرضك

احمد رمضان الخطيب24/11/2011

شق السكات مجدي سالم

الغربة في عنيكى من زمان معرفتهاش
والضحكة فوق شفايفك من زمان ماشفتهاش
ارمي دمعك بحجر
ينزل مطر
يغسل هموم كل البشر .
داوي جرحك

خلي قلبك فوق المداين طير ما يعرفشي الأنين
يالي كنتي في عز النهار ضحكة تملا قلوب الملايين
ياللي كنتي للبراءة سؤال
ياللي كنتي للعشق موال
أصبح حزين .

مافضلشي منك غير اسمك
مافضلشي منك غير رسمك
ارمي الهموم ورا ضهرك
مهما كان اللي محاوطك
انا جايلك.........
فارد للريح شراعي
شاقق كل السكوت
خليكي دايما ورده
مهما تدبل مش راح تموت !

حزب الضمير عمرو شمس

نفسى يكون ف مصر
حزب اسمه الضمير
لا مشير ولا حتى غفير
الكل يبقى سواسيه
نحصد م الدنيا الاسيه
ونزرع فى كل القلوب
حبه امل
وسنبله تطرح وفا
وضحكه عيال
فوق الرصيف متوحده
وندهن الكون احترام
ونخاف على اجمل بلد
وصرخه ولد
كان ف الميدان
دى الحيطان ساتره
الوجع
وست بتشوف لى الودع
حظى نكد
محتاج مدد علشان
اكون
علشان اعدى بضحكتى
جسر الجراح
وازرع ف الليل الصباح
يطرح بلابل ع الشجر
وضحكه بتنورسعاده
ف الضلوع الشقيانين

قولوا امين

التاريخ سيد شهاب

فتحت يوم الكتب..... ادور على التاريخ
لقيت اصالة بلادى..... مرسومة فى التاريخ
ليها حضارة ومجد..... وعزة كرامة بلاد
ولاد ضحوا عشانها..... فى سنين عناد
---------------
ولقيت جيش زمان...... بيحمى فعلا شعب
ويصون ولاده..... ويحميهم من اى حرب
لقيت فى التاريخ...... ناس بتحب مصر
بتفدى روح...... وتبنى وتعمر جروح
وتدوى ألالام شعب...... فى يوم مكسور
تنزع منه خوفه .......وفى التحدىبيصون
------------------
قلبت فى التاريخ..... لقيت عصور كتير
لقيت لكل عصر...... ظلم من سنين
وناس بتورث سلطة...... وليه كنا ساكتين
على الظلم كنا بندرى..... وليه كنا عايشين
--------------------
وفضلت فى يوم محتار..... ليه يامصر قادرة
تصبرى كل السنين فاكرة..... فاكرة تاريخ اسود جبان
كل اللى صار منه سرقة..... ونهب الكنوز والمال
أنسى اللى باعك واللى خان
دورى على الابن اللى صان
---------------------
اللى مات شهيد..... فى الليل علشانك
واللى رافض يوم.... يبيع ذرة ترابك
-----------------
أرسمى له طوق النجاة
أحضنى فيه بسمة حياة
طمنيه أللى أنتى عايشة
أصرخى ونادى عليه
هو ده اللى فاضلك
هو وقت الشدة جايلك
مسكين بشوقه لحد عندك
----------------
هو ده الابن الاصيل
مش بياخد حتة منك
علشان يباعك ولا يخانك
ده مستعد الليلة علشانك
يتمحى ويموت بدالك
-----------------
ده أنتى مصر اللى خيالى
اجمل عروسة وحلم غالى
فيك نيل روحنا وحياتنا
أهرامتنا حضارة زماننا
انسى اللى باعك واللى خان
دورى على الابن اللى صان

» مسابقة قول ياعم ( قسم شعر الفصحى ) { إدخل شارك بشعرك }
» المرحلة الثانية للمسابقة قسم الشعر العامى( تم فتح التصويت )
» مسابقة الشعر العربى بمنتديات شمس مصر
» قوانين مسابقة قول ياعم ( هامة جدا قبل الأشتراك فى المسابقة ) شاهدها أولا
» لعمل طلب إعلان إدخل هنا أولا