قصيدة ( يا عراق )

( يا عراق ) قصيدة عامية

ياعـــــراق متــــلم ناســـك
دا الفاس وقعت فى راسك
قـــــدم قــــــصاد خــــلاصك
شـــــهدا ومـستشـــهدين

ياعــــراق متــــشد حــيلك
اوعــــــاك يـــتهــد حــــيلك
وان خــــــفت فيوم يا ويلك
مــــــن غـــــدر السفاحين

ياعراقانسى اللى باعــــك
خــــــد حــــقك وبدراعــــك
وافـــــــــرد عالموج شراعك
قاتـــــــل واصـــــــبر سنين

بغـــــــــداد يا ارض حــــــرة
دايـــــــــما عالـــــمر صابرة
قتلــــــــوكى الــــف مــــرة
دبــحوكـــــى الـــــمجرمين

شــــــيطان الــــغرب جالك
خـــــــــدى بالك من عيالك
اوعـــــــــاكى تحلى شالك
لجبـــــــان او مســــــتهين

جـــــــايين زى الــــــــديابة
فاكــــــــرينا قــــــــال غلابة
ومـــــــادام الدنـــــــيا غابة
ياكــــــــلوا الصيد السمين

لقيو الفــــــــريسة جامدة
فاكرينها جتة هــــــــــامدة
دى مقاومة حارق حــــادة
ربـــــــــك هـــــــــو المعين

جـــــــــايين قال بالــــعدالة
حــــــــرية ودى القـــــــوالة
والخــــــــسة والـــــــــندالة
فـــــــــيهم مـتاصـــــــــلين

اوعـــــــــاك تستنى نجدة
امة ما عــــــــادتش واحدة
ولا دولـــــة مــــــــــستعدة
تمـــــــــدلكـــــو الاديـــــــن

انا شــــــــــايف فيه علامة
هتعود الابـــــــــــــتــسامة
قاتلــوا ليـــــــوم القــــيامة
نصـــــــارى ومـــــــسلمين

قاتلوا فكـــــــل الــــــمطارح
واوعـــــاك فى يوم تسامح
ومـــــــــدام النخل طـــــارح
فـــــى اليم مليون ياسين

هنقــــــول الـلـــــــــه واكبر
ونلاقـــــــى الـــــــنصر يكبر
قــــــــوم ادن قـــــــوم وكبر
صلــــــــــيلك ركـــــــــعتين

مع اطيب الامنيات للعراق
الشقيق ان تزول عنه الغمة

والله العظيم يا أستاذ ناصر أنا مش لاقى كلام أقوله
لأن كل الكلام الحلو ميدكش حقك فعلا انتا أستاذنا

ربنا يبارك فيك اخى الغالى الفنان الرائع

احمد شمس تقبل منى كل التحية والتقدير

انا كداا خروح خلاص ....ومش راجع تاني ...ماشاء الله عليك يا كبييير اوي...ناصر الريس

لا لا ازاى تخرج وانت صاحب البيت ؟

اشكرك اخى الجميل والرائع الشاعر / خالد جمال

انت كمان شاعر جميل ورائع

تقبل منى كل التقدير والود

أستاذ ناصر روعة وتسلم أيديك

تسلم بجد رائعة

الله يا أستاذ ناصر على جمال كلماتك

الاجمل هو طلتك الجميلة على النص

اختى الغالية رانا محمد

تقبلى منى ارق التحية والتقدير

الكبير كبير يا جماعه .....مش لاقي حاجه تاني اقولها

والله كلك زوووووووق

لخى الغالى خالد جمال

لك منى كل الود

الله يا أستاذ ناصر هذا ما ننتظره منك دائما التمييزوالأبداع الفكرى

مرورك هو الاروع اخى الغالى

ملك الديجيهات

تقبل منة ارق التحة والتقدير والاعزاز

هات شويه ود والنبي هههههههههههه...بارك الله فيك

مش شوية ود بل كل الود

اخى الغالى وصديقى الرائع

خالد جمال

[size=24]الحمدلله انا سعيد اني اكون صديقك يا صديقي....مني لك كل التوفيق[/size]

وان سعيد اكثر منك
اخى خالد
بهذه الصداقة
لك كل الحب والود

» قصيدة ( ليه ؟؟ )
» قصيدة ( انا مين ؟؟ )
» قصيدة ( ولا يهمك )
» قصيدة ( ملحمة عشق )
» قصيدة ( خش الميدان )