الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "شعب واحد" السبت أكتوبر 27, 2012 6:50 am | |
| شعب واحد
شمس الحب إزاى هتغيب؟! = لمَّا هلالنا جنبه صليب
احنا يا سيدى الشعب الأوحد = عنده شعارالحب نصيب
وحدة شعب عايش بيغنـى = بيعزف حب بلحن طريـب
كلمة فتنه خيال أعــــــداء = عايزه تنشر شر رهيــب
عايزه تنخر جوا نسيجــنا = زى السوس بسم دبيــب
إللى يقولك فتنه دا حاقـــد = عايز يفتح باب تخريب
مركب ماشيه لبرأمــــــان = موسى محمد عيسى حبيب
مادام الحب عايش ف الشعب = نارالغيره تموت تعذيب
مهما عدت موجه أو ريح = مصر حاميها المولى رقيب
شوف الحب بألوان ثابتــه = لو فنان أو كنت أديـــب
ياما متآمر حاول يفـــــتن = باب الحب ما فيه تسريب
مهما حاقد جاى يبعـــــدنا = إزاى ريح لجبل تذيب؟!
اسأل كل تاريخ هيقولـــك = الحب ف مصربيجى يطيب
أحمد عند الأزمه يــــلاقى = جرجس جاله بسرعه مجيب
جرجس يصرخ آه م الشوكه = يلاقى أحمد جنبه قريب
لمَّـا الروح تتنفس حـــــب = يبقى إزاى يفتنها غريب؟!
ياما مستعمر حاول قبلــك = شاف وحدتنا شعره يشيب
أََقسَم إنى دا شعب موحــد = مش رايح فيه ينفع تجريب
رجع يجر ثياب الخــــزى = ومهما حاول غدره يخيب
ثورة سعد أكتوبر يشهـــد = لو كان عندك شك مريب
لو شعب اتفكك راح يتـهز = أهداف أعداء تنجح وتصيب
رايح يبقى ضعيف متعرى = زى فريسه ف وش الديب
دا احنا شعب الحب الأزلى = فينا سر الحب عجيــــب
فصيلة الدم ترابنا ونيـلـنا = لو فيه جرحْ- الحب طبيب
إنجيل بيسامح قرآن يصفح = يبقى إزاى الحب يغيب؟! | |
|