الشاعر راضى على الطهطاوى شاعر مصرى
عدد المساهمات : 96 تاريخ التسجيل : 30/09/2012
| موضوع: الشاعر راضى على الطهطاوى قصيدة "سجن الروتين" السبت أكتوبر 27, 2012 7:24 am | |
| سافر عافر حطم سجن روتينك طلع عزمك من قلب خزينك عدى حدود انخر جوا حيطان الدنيا زى الدود بكل ضوافر سافر زى الطير المتمرد مهما فى غربه تكون متشرد غرِّد وافرد كل جناح رايح تلقى الدنيا براح فكفك كل قيود الهم انسى الوهم وكل جراح ادِّى حلمك كل سراح سافر عافر أكيد هتشوف إنى الطلسم بقى مكشوف وانى سنين العمر ضاعت منك وانك حافر قبرك جوا الزحمه وف قلب القمقم قبل مماتك وإنى اللحن إللى انت عزفته فى فى كل حياتك كان متنافر سافر عافر ارمى همومك على مولاك أحلام بكره سفينه شيلاك سافر ادفن كل الجبن الكافر اللى ماليك رايح تلقى العالم ليك لمَّا تسافر أو تتغرب كل الفقر رايح يتسرب ويطير يتهرب من حواليك خش الدنيا بقلب السبع رايح تجنى فوايد سبع وبحرك رزقه هيصبح وافر سافر عافر حطم سجن روتينك | |
|