خلاص بقيت اهييس ...كلمات خالد جمال الشاعر

واللخبط في الكلام
مع اني كنت كويس
وكمان راجل تمام

من يوم ماقامت الثوره
يناير خمسه وعشرين
ف جره وطلعنا بره
و محناش مصدقين

واد كل يوم والتاني
مظاهره واعتصام
عمال اذيد في جناني
وخلص مني الكلام

ياما نفسي اقابل حد
يقولي ايه الموضوع
انا هاتجنن بجد
واخش في الممنوع

احزابنا بقت كتير
مش واحد لا دول ميه
انا مش لاقي تفسير
مين عسكر مين حراميه

وكل جمعه حرايق
وننزل علم اسرائيل
الواحد بئا مدايق
من كتره التهليل

الغاز راح اسرائيل
بشويه فلوس وفكه
امال فين الدليل
لحسن نقعد عالدكه

تفتكروا مين الريس
اللي هايمسك خلاص
مش لاقي ولا حد كويس
وخلاص بقيت محتاس

بفكر ارشح نفسي
وابقا زي الرئيس
واشتري كل اللي في نفسي
واعبي الهوا في كيس

بس انا خايف بجد
لحسن انجح وافوز
وعلي اللومان اتشد
واشرب ميه في كوز

او حتي اكون وزير
بلاش حكايه الريس
دي دماغي من التفكير
خلاص بقت تهيس

مكفايا بقا مليونيه
ومشاكل كتير ياما
ارحمو البلد دي هيه
بدل الدخله في دواما

هاتجنن خلاص يا ناس
ودماغي ماهييش تمام
وراح اشتغل كناس
والملم في الكلام

وابويا لو سال عليا
قولولو راح مرجعش
اصل الحكايه دييه
بسيطه متخوفش