مسابقة الشعر العربى بمنتديات شمس مصر

[ندعوك للتسجيل في المنتدى أو التعريف بنفسك لمعاينة هذه الصورة]

الأن ومن منتديات شمس مصر تنطلق مسابقة
الشعر العربى
لأفضل شاعر

[ندعوك للتسجيل في المنتدى أو التعريف بنفسك لمعاينة هذه الصورة]
شروط المسابقة
------------------------

1 - أن لا تقل أبيات الشعر أو القصيدة عن 15 بيت
2 - التنسيق الجيد للشعر
3 - الألتزام بالقافية الشعرية فى كل الأبيات
4 - أن يكون الشعر من كتاباتك فعلا وليس مقتبسا
وسوف يقوم فريق الأدارة بالبحث على الأنترنت عن
شعرك حتى لا يكون مقتبسا من شاعر أخر
5 - مراعاة اللياقة وألأداب فى شعرك
6 - إذا كنت عضو إشترك مباشرة وإن كنت زائر
فعليك التسجيل أولا ثم الأشتراك بالمسابقة

[ندعوك للتسجيل في المنتدى أو التعريف بنفسك لمعاينة هذه الصورة]

الفائز بالمسابقة
---------------

أولا : سيأخذ رتبة بلقب كبير شعراء المنتدى
ثانيا : سيحصل على 250 نقطة
ثالثا : سيمنح شهادة تقدير وستعرض له على
الصفحة الرئيسية وعلى المجلة

[ندعوك للتسجيل في المنتدى أو التعريف بنفسك لمعاينة هذه الصورة]

إذا كنت ترغب بالأشتراك فى المسابقة فقط كل ما عليك
وضع الشعر الذى ستنضم بة للمسابقة فى الرد فى هذا الموضوع
المسابقة ستبداء من اليوم 23 أكتوبر ولمدة 10 أيام

[ندعوك للتسجيل في المنتدى أو التعريف بنفسك لمعاينة هذه الصورة]

مع تحيات الأدارة

بإيدك إنتا إختارها أحمد شمس
------------------

مابين توهه وبين فكره مابين أحب أو أكره
مابين لوعه وبين كسره مابين فرحه وبين صرخه
ألم لم اللى فاضلى من الدنيا وأتمنى أعيش بكره

**********
مابين الماضى والحاضر .ورق... ذكرى تفكرنا
تخلينا نشوف قدامنا أحلامنا وأفكرنا
تورينا امانينا اللى ماتت عايزه تكسرنا

ولكن مهما هتمرر حلاوة العمر حنان العشق صبرنا

**********
تعيشها زى ماتعيشها عروسه لبسا فستنها وميت فرحه
وممكن برده تأسى عليك وتكسر فيك وتبقى دنيتك جارحه
بإيدك إنتا إختارها . بإيدك تهدم الأحلام بإيدك تبنى حاضرها
ومهما الصبر هيكون مر ومهما تشوف وشوش الشر
أكيد الخير زرع جواك شوية حب نورها

ثوار لبيبا ... سيد شهاب
-------------------

ثوار ليبيا الابطال
أتحدوا القوة والنار
وزلازل بركان بتموت
أقدام شعب وروح وجنود
أتحدى مدافع وحصون
بعزيمة شعب وبجنون
قال تغير ونعيش فى النور
جهل ونهب سنين بالكوم
ثوار ليبيا الاحرار
عبروا جبال جواه جبال
وسط النار مات أبطال
وعيال فى اللفة بتموت
جواه بيوت شافوه الموت
ثوار للعند أتخلقوا
لاعرفه اليأس ولا عرفوا
للتار من الطاغى الجبار
برغم جيوشه وحصونه
أتهزم الطاغى بسلامته
وعاش الثوار الاحرار

ياريتنى أحبك نص حب ... محمود عيسى
-----------------------------------------

ياريتني احبك نص حبي ليها

ياريتني المح في عنيكي
نص نظرة من عنيها

ياريت قلبي قابل حب
قلب تاني غير ليها

ياريتني اقدر انسى
اني لسة عايش بيها

ياريتني احبك بس حب نص حبي ليها

كان حبي ليها أغلى
عندي من أي حاجة

كنت امسك ايديها بحس
اني معايا كل حاجة

بحس معايا الشمس والقمر
وعنيا مش محتاجة

غير بس نظرة واحدة
ولمسة واحدة من ايديها

ياريتني احبك بس حب نص حبي ليها

كانت قلبي ونور عنيا
كنت اشوفها عالحقيقة

بحس كأن نسمة هوا
جايالي من الحديقة

ماكنتش مصدق ان
حلمي بيها اتحول لحقيقة

وماكنتش اعرف هيجي اليوم
وماكنش معاها بس دقيقة

اتخلِّت عني اه
بس فاضل حبي ليها

ياريتني احبك بس حب نص حبي ليها

اه همسك ايديكي
وابص لعنيكي واحضنك

بس قلبي ياريته
بواحد في المية بس يكلمك

أو حتى يقدر
من حبها ازاي يعلمك

آسف هدوس على قلبي
واقول بعقلي بعشقك

بس قلبي كل يوم
متجدد بحبي ليها

ياريتني احبك بس حب نص حبي ليها

حوريه من خيال ....كلمات خالد جمال
--------------------------

عشقتُ انا في السر جوهرهٍ
وما للاسرار انا بكاتم
كل من راآها جري في لهفتهٍ
وتمني لها ان يكون خادم
كلما طلت بالوجه ناظرةً
اضاءت واحلت كل المحارم

لها جمال كالقمر في ليلتهِ
انار طريق الانس والجان
وقلب كالعطر رائحتهِ
اطيب من المسك والريحان
وشعرا كالليل في طلعتهِ
يلمع كما اللؤلؤ والمرجان

بشراً لم يخلق مثلُها
في الكون علي مر الزمان
والحسُن يَفرُ من جمالها
ويتواري مع الاحزان
ونظرةً من عينها
تُزلزلُ البحر والاكوان

ليت قلبي لم يراها
ليتني انسا الجمال
قلبي لم يري سواها
هي حوريهُ من خيال

أوقات بحب ... ريم حسن
--------------------------

يوم باحلم بحلم جميل
فكره وخطوه وامل طويل
ويوم تانى لا فيه سبب ولا تعليل
لزهق وغضب وهم تقيل
واعمل ايه وانا قاعده وحيده
عايشه وسط اهلى وكأنى غريبه
ولما اكون مع صحابى بحس بضيقه
ومواضيع تافهه واسرار عجيبه
وشوق ولهفه لاصحاب جديده
خلاص خلص الكلام وقولت على الدنيا السلام
لعاد فيه اصحاب بجد
ولا هيدخل لقلبى منهم حد
ليه مقفلاها الدنيا معايا ليه بتكون عنيده
نفسى فى يوم افرح نفسى اكون سعيده

أخاف عليك ... إبراهيم سعد
-----------------------------

أخافُ علَيْكِ مِنْ نَفْسي..
خافُ عَلَيْكِ من عِشْقي ..
ومِنْ هَوَسي..
أخَافُ عَلَيْكِ مِنْ حَرٍّ.. ومِنْ بَرْدٍ..
ومنْ شَرْدٍ.. ومِنْ مَطَرٍ
ومِن ْشَمْسِ..
أخافُ عَليْكِ ..
مِنْ ريحٍ تُداعِبُ وَرْدَ خَدَّيْكِ
ومِنْ نَفَسِ..
أخافُ علَيْكِ ..
أصْحوفي هَزيعِ اللّيْلِ مُلْتاعاً..
لأصْرُخَ مِلْءَ حَنْجَرتي..
لماذا حُزْنُنا يَمْتَدُّ أعْوَاماً
وفَرْحَتُنا كوَمْضِ البَرْقِ إذْ تأتي
تَمُرُّ قصيرةَ الأمَدِ..؟!
لِماذا كُلُّ أسئلتي مُعَلَّقةٌ بِلاَ رَدِّ..؟!

قومى يا مصر ... ناصر على
---------------------------
يا مــــصــر بــدعــــيلـك

عاشـــــق سمـار نيلك

هـــــــيـنـجلـى لــيـلـك

وتـــــفــــتـح الازهــــــار

ابــــتســمى يا مـداين

فــــــجـرك اهــو بايــــن

مـــــلـعون ابـو الــخاين

الـلـى تركــــهـا دمــار

الـــــــميــة مــن فـــضة

صــبـيـلــى اتتوضـــــى

دا الــــفــجر لـــو عــــدا

مـــش هنـلاقــيله نـهار

عــــيدى الــغنـا عـيدى

وانـــتـشرى فى وريدى

عـــيدك دا يـوم عــيدى

يا ام الـــشـبـاب ثــــوار

ســــاعة مـيلاد فــجرك

روحـــى احـضنى نهرك

ومـــهـما هـــاج بـــحرك

او عاكـــسـك الــــتـيــار

لمـــــى الـــولاد لـــمى

وكــــــبـرى وســــــمـى

بـــر الامـــــان ضـــمـى

وعـــــدى عــالاعــصــار

يا ســـــمــرة يا عــفية

يا طـــــرحـة وكــــوفــية

طــــول الـــزمـان هيـــة

مــنـقــوشــة عالاحجار

مــــــهــــما الولاد ضلوا

دا حــــلـم هــــوصـــلوا

صــــــلـوا مــعاى صــلوا

عــالــمـصطفى المختار

ضمينى ياما ... أحمد راضى
---------------------------

ضمينى ياما وطبطبى على كتفى
خلينى احس الأمان واحس بقلبى متدفى

فين إبتسامة زمان ونظرتك ليا؟
وضمة الحضن وانتى بتلعبى ف كفى

وحشتنى لمسة إيديك على شعرى وجبينى
وهمسة الحب لما بضمها ف عينى

تفرش ورود الأمل على طريق بكرة
وتزيح هموم الحياة وحلوها يجينى

وحشتنى ضمة حنان من حضنك الدافى
يامايا حمل الزمن شلته على اكتافى

مدى إيديك إفرطى عرق السنين منى
وادعيلى بين رقوتك يارب ياشافى

بغير عليكى ... علاء بدر
---------------------
بغير عليكي
والنعمة بغير عليكي
في
طلعة شمس الصبح
تضرب في عنيكي
بغير عليكي
... ...
لما القمر بالليل نوره يدفيكي
بغير عليكي
لما البحر يثور ويفور
وموجه يحضن فيكي
بغير عليكي
من نسمه هوا تداعب شجر ارضك
وقرصة
برد تطويكي من طولك لعرضك
نفسي احضنك مش حته منك
نفسي احضنك كلك
علي بعضك
و مهما اكتب قصايد شعر كلامها مش هيكفيكي
بغير عليكي
*
بغير عليكي
لما أشوفك في بنت حلوة
شعرها اكتسي بليلك
لما اشوف
في وشها سما ارضك
في عفتها شرف عرضك
في ضحكتها صفا نيلك
بغير
عليكي
لما اشوف قوتك في سواعد شباب عمال تبني وتعلي
لا بتكل
ولابتمل مهما عرق جيبنها من حرارة الشمس يغلي
بغير عليكي
ساعات
اغضب عليكي
ساعات اعاتب فيكي
ارحل واسافر
لكن احن ارجع ليكي
وبغير عليكي
علاء بدر

النتيجة النهائية وشهادة التقدير
[ندعوك للتسجيل في المنتدى أو التعريف بنفسك لمعاينة هذه الصورة]

الف ألف مبروك أستاذ ناصر

الف مليون شكر لك اخى الغالى والفنان / احمد شمس

لقد اسعدتنى الجائزة اكثر من اى جائزة اخرى حصلت عليها

فى السابق كل الامنيات لكم جميعا بالسعادة

واتمنى النجاح للمنتدى وكل القائمين عليه

الف الف الف مبرررررروك استاذي نااااااصر

مليون مبروك يا أستاذ ناصر انت تستحقها والله

ألف مبروك يا كبير

ألف مليون مبروك للأستاذ ناصر على

ألف مبروك يا أستاذ ناصر فوز مستحق

ألف مبروك لأستاذنا الجليل وشاعرنا الكبير ناصر على

ألف مبروك على الفوز

ألف مليون مبروووووووووووووووووووووك

تهنئة عطرة من القلب بالفوز المستحق
ألف مبروك

ألف ألف ألف مليوووووووووووووووون مبروك
والله انا فرحانة ان انتا اللى فوزت لأنى كان نفسى
أنك تفوز ألف مبروك يا أستاذ ناصر

الف مبروووووووووووووك يا استاذ ناصر
اذا كان الشعر لك أهل
فأنت له فخر

واذا كان الشعر لك فخر
فأنت له ظهر

شكرا لكم جميعا اخوتى واخواتى

الكرام على التهنئة الرقبقة

والله انا مش عارف اقولكم ايه

انا كسبت قبل كدة مسابقات كثيرة جدا

وكسبت جوائز عديدة ولكنى والله العظيم

اننى لم اشعر بالسعادة التى انا فيها هذه المرة

فعلا وانا بينكم الان اشعر بسعادة غامرة

ليس لاننى كسبت مسابقة فقط ولكننى

لاننى تواجدت بين هذه النخبة الرائعة

من الشعراء والمتذوقين

وانتم والله لكم احساس عالى ورفيع

لان الشعر بالفعل لا يتذوقه الا ذو حس واحساس

راقى شكرا لكم لتذوقكم الجميل وشكرا لكم

على التهنئة الرقيقة وانا اشكر جدا جدا

اخى الفنان والشاعر الرائع احمد شمس

الذى فتح لنا هذه النافذة لكى نتعارف

ونتواصل بهذا الشكل الرائع

اقدر لكم تهنئتى واهديكم منى ارق التحية واعظم التقدير

كل باسمه .......اخيكمم / ناصر على

---------------------------------------------

---

ألف مليون مبروك عليك يا أستاذ ناصر
ودائما متقدم

ألف ألف مبروك

شكرا اخى الغالى ( البيه الرومانسى )

واخى الشاعر المبدع /اسماعيل مرضى على التهنئة الرقيقة

تقبلوا منى كل التقدير

علي فكره ......احنا اللي كسبنا مش حضرتك استاذ ناصر ...كسبنا شاعر مرموق زي حضرتك ومحترم ....وذواق للشعر والشعراء ...بارك الله فيك متشكرين جداااا انك جعلتنا نكسب في ايام كل اللي فيها خساره ...بارك الله فيك اخي الشاعر الكبير ناصر

هذا والله من كرم اخلاقك الرفيعة

وذوقك الجميل اخى الشاعر الرائع

الاستاذ / خالد جمال

وهكذا يكون الشعراء ............

احساس راقى وكلمات رقيقة

دمتم ودامت صداقتنا ان شاء الله

وكل عام وانتم بخير

إستعدوا جميعا للمسابقة القادمة للشعر مسابقة ( قول ياعم )

مسابقة شيقة بجلنة تحكيم متميزة

أستعدوا بأعمالكم لحين إنطلاق المسابقة الشهر القادم

[ندعوك للتسجيل في المنتدى أو التعريف بنفسك لمعاينة هذه الصورة]

ألف ألف ميروك على الفوز أستاذ ناصر على

شكرا للاخت فاتن عمر

على هذه التهنئة الرقيقة

ولكم تحيتى وتقديرى

هاتبقي بالعاميه ولا ايه يا عم احمد

» مسابقة قول ياعم ( قسم الشعر العامى والشعبى والغنائى والزجل) { إدخل شارك بشعرك }
» مسابقة قول ياعم ( قسم شعر الفصحى ) { إدخل شارك بشعرك }
» تعريف الشعر النبطي
» قوانين مسابقة قول ياعم ( هامة جدا قبل الأشتراك فى المسابقة ) شاهدها أولا
» المرحلة الثانية للمسابقة قسم الشعر الفصحى ( تم فتح التصويت )