بحبك يا ريس ومش عارف اكرهك...كلمات خالد جمال

بحبك ياريس ومش خايف من الملام
وبسمع في حبُك ياما....... سمّ الكلام

فتحت عييني لقيتك للبلد دي ريس
من عشر سنين كنت اكتر من كويس

مش عارف الوم نفسي فيوم علي حبك
واذاي اخلي الناس ترجع من تاني تحبك

كل واحد فيهم اكيد عنده السبب
اللي مدقش راحه واللي عمُره اتسلب

الحاشيه من حواليك كانت مغمّياك
وانت كنت موافق تبقا علي عماك

يوم ما اتنحيت.شئ جوايا اتكسر
وبالدموع بكيت وكأن قلبي اتعصر

يمكن تكون غلطان ..لآ غلطان اكيد
عشان رجالتك كانت قلوبها من حديد

لا حسو في يوم بحد ولا همهم انسان
عاوز الكلام الجد...يرحم ايام زمان

مش راح اقول لا ناصر ولا حتي سادات
بس الناس اهي بتقول يرحم بقا اللي مات

مفيش في ايدي حاجه ..اعملها فيوم عشانك
يا ريس كرهت شعبك. وحبيت بس اللي خانك

لو انت كنت قاتل شبابك في التحرير
وبجد فعلا كان مات فيك الضمير

اعتبرني مقولتش كلمه حلوه ليك
وكل اللي اتعمل قليل بجد فيك

هيها جميلة بس ده أنسان ذل شعبه ياراجل ومتقوليش الحاشية اللى وراه
ولو مش قادر يدير بلد يسبها لاصلح يمسكها ويبقى كتر خيره بس تقول ايه

جنون السلطة تدوس على قلوب كتير

يمكن يكون عندك حق بس انا قولت اللي انا حاسس بيه وكلامي بيشمل كل حاجه ان كان كويس ولا وحش

طبعا أنسان ملوش قيمة
مش جاى من أى عزبة يعمل فينا كده
طلعنا لقينا مسك البلد ومش اى حريات
ولا اى حاجة تدل انه حلو

هقولك حاجه واحده بس في عهدو تخليني احبو غصب عني.. انا كان ليا بنت عمرها 4 شهور وكان لازم ليها عمليه بحوالي 85000 جنيه في القلب ومن غير وسايط او محسوبيات قرار العلاج اتمضي بدون حد اقصي للعلاج ...يعني مفتوح بايه رقم وغير قابل للتجديد يعني لحااااد ما تخف ...بس ربنا مااردش ان البنت تكون وسطينا دلوقت ...تفتكر المفروض اني ازعل واغضب منو بدرجه اللي معملوش حاجه؟؟؟؟؟ معتقدش يا استاذ سيد ...انا شاكر ليك انك بجد خلتني اوضح ليك ليه انا بحبو مش اكتر ...

تسلم ايدك يا خالد رائعه بجد

الله ربنا يزيدك كلماتك جميلة

ميرسي يا مني انتي ورانا بجد ودايما يا رب منورين صفحتي المتواضعه ...بس انا ليا طلب عندكم ..عاوز اشوف ليكم ايه اشعار او قصايد من كتابتكم لو امكن

» غصب عني..كلمات خالد جمال
» هيا كلمه من كلمات خالد جمال
» يا مصري..كلمات خالد جمال
» انا فلسطين.كلمات خالد جمال
» فاض الكيل..كلمات خالد جمال