قصيدة ( قطر الغلبانين )

قطر الغلبانين بقلم الشاعر ناصر على

يا راكن ع المحطة
وواقف من سنين
حلفتك بالأمانة
يا قطر الغلبانين
لتروٍِِّح بالسلامة
بناسنا الطيبين
من يوم ما السكة بانت
وساعة العزّة حانت
ما تقولشى كان وكانت
ربك هوّ المعين
وصّلهٍٍُم بالسلامة
يا قطر الغلبانين

اتحرك يا لا واجري
حرك مكنك ودووور
هتقبِّـل أو تبحِّر
غيًّرنالك وابور
يا عم شد حيلك
اطوى زمن الفجور
افتح واسلك طريقك
وخَللى الخير رفيقك
ما يصيبك غير نصيبك
اتمرد ع الانين
وصلهم بالسلامة
يا قطر الغلبانين

اوعاك تستني تانى
وتقول منين ؟ مفيش
كان واقف ع المحطة
اكتر من ميييت شاويش
ما خلاص السكة فاتت
لاجل الغلبان يعيش
ياقطر يا أبو الأمارة
اتحرّك بالحيارى
مفتوحة لك اشارة
وبندعى وقول اّمين
وصلهم بالسلامة
يا قطر الغلبانين

وسّعنالك طريقك
وقفلنا المزلقان
وفتحنا اشارة خضرة
بدامانا ف الميدان
اتحرّك واطوى خوفك
خلاص الفجر بان
ياقطر اسلك وعدّى
اوعاك ف يوم تهدّى
اتحرّك جيب وودّى
كفاية سكوت سنين
وصلهم بالسلامة
يا قطر الغلبانين

ناصر على توفيق
2012

قصيدة ( قطر الغلبانين ) Elassal679

الله عليك يا أستاذ ناصر والله انتا فعلا شاعر كبير تحياتى ليك
تم تزين الموضوع وتثبيته لجل عيونك

تسلم ايدك يا استاذ ناصر قلمك جميل وبيكتب أجمل الكلمات

تسلم ايدك يا استاذ والله منور المنتدى بكلامك الحلو ده

شكرا شكرا اخى وصديقى
الفنان احمد شمس لك كل التحية والتقدير
وكل من فى هذا المنتدى

اختى العزيزة منى السايس
الاروع هو مرورك
على كلماتى
تقبلى ارق كلمات التقدير

الشكر كل الشكر لمرورك
اخى الغالى ملك الديجيهات
تقبل كل التحية والتقدير والو

» قصيدة ( ليه ؟؟ )
» قصيدة ( انا مين ؟؟ )
» قصيدة ( ولا يهمك )
» قصيدة ( ملحمة عشق )
» قصيدة ( خش الميدان )