قصيدة ( المخاض )

قصيدة ( المخاض ) بقلم ناصر على

يا معلقة الامل

على كتافك وحملانا

يا زارعة جوانا الامل

حنة ....وريحانة

بيقولوا هية ف مخاض

هو انتى ....حملانة ؟؟

ولحد امتى المخاض

يا صبية هيطول

اوعى تعيدى الفساد

وتقولى م الاول

دا الحمل طول

سنين وسنين

يجبر بخاطرك ربنا

وتقومى سا لمانة

وليه خايفة من المخاض؟

قومى كما العادة

واطوى سنين الفساد

طول مانتى ولادة

مش برضه ولادك

زغلول وطلعت حرب

ومصطفى كامل

وفريد وعرابى

وسادات سطر تاريخك

فى سلم وحرب

وجمال الزعيم للامة

وعرابى ...........

وغيرهم من الشباب

ملايين...مساكين

ومسكين فى ايدهم امل

مستنظرين مولود

ماهو دووول اللى شربوا

المرار معقود

وقرقشوا الظلم

واتغطوا بهوا فسدان

ولملموا الامل

وعلقوه عنقود

ندرن عليا لزرعك بستان

بس انتى قومى

وخلفى المولود

تسلم ايدك يا أستاذنا ياكبير كلماتك دائما هى الأروع

تسلم إيدك ياأستاذ ناصر جميلة

شكرا اخى الجميل الفنان الرائع

احمد شمس تقبل تحيتى واعزازى

دائما سباقة اختى منى السايس

احييكى واقدرك

» قصيدة بعنـــــــــــــــوان : هى الدنيـــــــــــا
» قصيدة ( ليه ؟؟ )
» قصيدة ( انا مين ؟؟ )
» ( قصيدة ) اتكلم
» قصيدة ( يا عراق )